საბაკალვრო ნამუშევრების დაცვის კომისიის წევრები იყვნენ: ფაკულტეტის დეკანი, დეკანოზი იოსებ ვანიძე,    ხატწერის, დაზგური და მონუმენტური ხატწერის რესტავრაციის კათედრის გამგე, პროფესორი მერაბ ბუჩუკური, ქრისტიანული ხელოვნებათმცოდნეობის კათედრის გამგე რუსუდან ვაშალომიძე, გეოლოგიის დოქტორი, პროფესორი მურად ტყემალაძე და სხვები. საბაკალვრო ნაშრომების  ხელმძღვანელი იყო ლაშა ვანიძე, რომელმაც მაღალი შეფასება მისცა წარმოდგენილ ნამუშევრებს.  დამსწერე საზოგადოებას სიტყვით მიმართეს დეკანმა და  კათედრის გამგემ, რომელთაც ხაზგასმით აღნიშნეს, რომ წარმოდგენილი ნამუშევრები  მაღალ დონეზეა შესრულებული. საბაკალავრო ნაშრომების დაცვისას აღინიშნა, რომ ფაკულტეტს განსაკუთრებული   მნიშვნელობაა აქვს  თანამედროვე ქრისტიანული ხელოვნების განვითარების საქმეში.

ნაშრომი იყო   მაცხოვრის იერუსალიმში დიდებით შესვლის კომპოზიცია, მის რესტავრაციაზე იმუშავა  ხუთმა სტუდენტმა:  აკაკი წერეთელმა, ქეთევან გიორგაძემ, გივი ხაჩიძემ, ლია მახარობლიშვილმა და ინა მახარობლიშვილმა. საბაკალავრო ნაშრომის ხელმძღვანელებმა და სტუდენტებმა კომისიის წევრებსა და დამსწრე საზოგადოებას გააცნეს მათ მიერ შესრულებული სამუშაოების სpეციფიკა და ტექნიკური დეტალები. საბაკალვრო ნაშრომის ხელმძღვანელები იყვნენ:  ხატწერის, დაზგური და მონუმენტური ხატწერის რესტავრაციის კათედრის გამგე, პროფესორი მერაბ ბუჩუკური, მისი მოადგილე – ზაზა სუმბაძე და პედაგოგი მიხეილ ბერიძე. საბაკალავრო ნაშრომმა დამსწრე საზოგადოების დიდი მოწონება დაიმსახურა.

სამაგისტრო ნაშრომში მეტად აქტუალური საკითხი, იოანეს სახარების ავტორის ავთენტურობა, არის განხილული. მაგისტრანტმა ფართო სამუშაო აწარმოა. მან მიმოიხილა და შეაფასა აღნიშნულ საკითხთან დაკავშირებული XIX-XX სს-ში გამოთქმული  მოსაზრებები, რომლებიც ეწინააღმდეგებიან საეკლესიო ტრადიციას. ნაშრომში მან იოანეს სახარების ტექსტობრივი მონაცემებისა და მის ავთენტურობასთან  დაკავშირებული უძველესი პატრისტიკული ლიტერატურის საფუძველზე  გააბათილა ზემოხსენებულ მკვლევართა არგუმენტები და ნათლად წარმოაჩინა, რომ იოანეს სახარების ავტორი თავად ეს მახარებელია და არა სხვა  პიროვნება.

მოსაზრებები გამოთქვეს: თბილისის სასულიერო აკადემიისა და სემინარიის რექტორმა, თეოლოგიისა და ფილოლოგიის დოქტორმა, პროფესორმა, პროტოპრესვიტერმა გიორგი ზვიადაძემ, თეოლოგიისა და ისტორიის დოქტორმა, პროფესორმა, დეკანოზმა გიორგი გუგუშვილმა, თეოლოგიის, ისტორიისა და განათლების მეცნიერებების დოქტორმა, პროფესორმა, დეკანოზმა ლევან მათეშვილმა, თეოლოგიის დოქტორმა, პროფესორმა, დეკანოზმა მაქსიმე ჭანტურიამ და სხვებმა.

სამაგისტრო ნაშრომმა უმაღლესი შეფასება მიიღო.

საერთაშორისო კონფერენცია – „საქართველო-ბიზანტია – ქრისტიანული აღმოსავლეთი“ II – საქართველოს განათლების, მეცნიერების, კულტურისა და სპორტის სამინისტროს ფინანსური მხარდაჭერით განხორციელდა. მისი მიზანი იყო  თანამედროვე საერთაშორისო სამეცნიერო საზოგადოებისთვის ქართული ჰუმანიტარული მეცნიერული კვლევების შედეგების გაზიარება.

საქართველომ შუა საუკუნეებში დიდი წვლილი შეიტანა ქრისტიანული ლიტერატურის, ფილოსოფიის და ხელოვნების განვითარებაში. ამდენად, მისი ურთიერთობა ბიზანტიასა და აღმოსავლურ ქრისტიანულ სამყაროსთან უაღრესად აქტუალური თემაა. კონფერენციის ფარგლებში გაიხსნა ძველი ქართული ხელნაწერების გამოფენა.  გამოფენაზე მხოლოდ ერთი დღით იყო წარმოდგენილი  IX საუკუნის უნიკალური ბერძნული ხელნაწერი, კორიდეთის სახარება, რომელიც კარგად წარმოაჩენს ქართული და ბიზანტიური კულტურის მჭიდრო კავშირს; გამოიფინა, ასევე, X-XI საუკუნეებში შექმნილი უნიკალური ქართული ხელნაწერები: ალავერდის ოთხთავი, ვანის ოთხათავი, მიქელ მოდრეკილის იადგარი,  რომლებიც ქართული ხელნაწერი მემკვიდრეობის განსაკუთრებულ ნიმუშებს წარმოადგენენ.

კონფერენციაში სხვებთან ერთად მონაწილეობა მიიღეს თბილისის სასულიერო აკადემიისა და სემინარიის პროფესორმა, გელათის მეცნიერებათა აკადემიის აკადემიკოსმა, თეოლოგიისა და ფილოლოგიის დოქტორმა, დეკანოზმა ბიძინა გუნიამ და ფილოლოგიის დოქტორმა ქეთევან მამასახლისმა.

დეკანოზმა ბიძინა გუნიამ წარმოადგინა მოხსენება თემაზე: „ბრწყინვალე და განათლებული დღე მეორედ მოსვლისა“, რომელშიც მიმოიხილა საეკლესიო ეგზეგეტიკა უფლის მეორედ მოსვლის შესახებ. ქალბატონი ქეთევან მამასახლისის მოხსენება  შეეხებოდა  პატერიკული ჟანრის მწერლობას, კერძოდ, წმინდა ანტონი დიდისა და წმინდა ამონ ნიტრიელის შემოქმედების ურთიერთმიმართების საკითხს (მოხსენება მომზადდა შოთა რუსთაველის ეროვნული სამეცნიერო ფონდის 2018 წლის ფუნდამენტური გრანტის ფარგლებში № FR – 18 – 1209).

კონფერენციაზე მოხსენებებით წარდგნენ თბილისის სასულიერო აკადემიისა და სემინარიის პედაგოგები: ფილოლოგიის დოქტორი ლალი ხუჭუა, რომელიც ამავე დროს არის  თსუ არნოლდ ჩიქობავას სახელობის ენათმეცნიერების ინსტიტუტის თარგმნითი ლექსიკონებისა და სამეცნიერო ტერმინოლოგიის განყოფილების მეცნიერ-თანამშრომელი,  მისი მოხსენება შეეხებოდა საეკლესიო ნივთთა აღმნიშვნელი ტერმინების, კერძოდ,„ავგაროზისა“ და „ფეშხუმის“, ისტორიას.

თეოლოგიის დოქტორმა ცოტნე ჩხეიძემ წარმოადგინა მოხსენება თემაზე; „საწინასწარმეტყველო სიმბოლური ქმედების რაობა ძველ აღთქმაში“.

მოხსენებებთან დაკავშირებით დაისვა შეკითხვები. საკუთარი მოსაზრებები  გამოთქვეს გელათის მეცნიერებათა აკადემიის აკადემიკოსმა, ფილოლოგიის მეცნიერებათა დოქტორმა, პროფესორმა დამანა მელიქიშვილმა, ფილოლოგიის მეცნიერებათა დოქტორმა, პროფესორმა მედეა ღლონტმა და სხვ.

აღნიშნული კონფერენცია Erasmus+ პროექტის Sustainable learner-centered Teaching – Advanced Recourse for Georgia and China (STAR) დასკვნითი აქტივობაა.

ღონისძიებაზე განხილული იყო ყველა ის შედეგი, რომელსაც  სამი წლის  განმავლობაში  პარტნიორმა ქვეყნებმა სტუდენტზე ორიენტირებული სწავლების მეთოდების მიმართულებით მიაღწიეს. კონფერენციას უძღვებოდა  პროექტის კოორდინატორი დანა  ზამესნიკოვა.

1. 2019-2020 სასწავლო წელს თსას-ის ცალკეულ ფაკულტეტებზე მისაღებ აბიტურიენტთა მაქსიმალური კვოტების დამტკიცება;
2. 2019-2020 სასწავლო წელს თსას-ის ცალკეულ ფაკულტეტებზე მისაღები გამოცდების ჩატარების გრაფიკისა და შესაბამისი საგნობრივი კომისიების დამტკიცება;
3. მიმდინარე საკითხები.

სხდომას თავმჯდომარეობდა სასწავლებლის რექტორი თეოლოგიისა და ფილოლოგიის დოქტორი, პროტოპრესვიტერი გიორგი ზვიადაძე. საბჭოს წევრებმა იმსჯელეს განსახილველ საკითხებზე და მიიღეს შესაბამისი დადგენილება.