დღეს, 14 სექტემბერს თბილისის სასულიერო აკადემიასა და სემინარიაში დაიწყო ახალი სასწავლო წელი. ტრადიციისამებრ, ამ დღეს მისი უწმინდესობა და უნეტარესობა, საქართველოს კათოლიკოს-პატრიარქი ილია მეორე მობრძანდება სიონის საკათედრო ტაძარში და სწავლის დაწყებასთან დაკავშირებით იხდის საზეიმო პარაკლისს. წელსაც სასულიერო აკადემიისა და სემინარიის თანამშრომლები და სტუდენტები მან თავისი მობრძანებით გაგვახარა. უწმინდესს თან ახლდნენ წმინდა სინოდის წევრები. საზეიმო პარაკლისის ჩატარებაში მონაწილეობა მიიღეს აკადემიის რექტორმა, პროტოპრესვიტერმა გი
მისმა უწმინდესობამ პარაკლისის დაწყების წინ მცირე ქადაგება წარმოთქვა, ყველას მიულოცა საეკლესიო ახალი წელიწადისა და სწავლის დაწყება. მან ბრძანა, რომ ჩვენი მიზანი უნდა იყოს არა მხოლოდ ცოდნის მიღება, არამედ მადლითა და სიკეთით პიროვნების განათლება.
დღეს სწავლის საზეიმო პარაკლისს პირველად დაესწრნენ სემინარიისა და აკადემიის პირველკურსელები, ას ცხრამეტი ახალგაზრდა, მათ გარდა ლოცვაში მონაწილეობა მიიღეს სტუმარმა ბავშვებმა — ნანული ღამბაშიძის სახელობის აგარის ხელოვნების სკოლისა და სოფელ გურჯაანის საჯარო სკოლის მოწაფეებმა.
სიონის საკათედრო ტაძრის ეზოში ჩვენი აკადემიის ხელოვნებათმცოდნეობის ფაკულტეტის სტუდენტებმა მოაწყვეს თავიანთი ნამუშევრების გამოფენა, ძირითადად წარმოდგენილი იყო თექა, ასევე — რამოდენიმე ხატწერის ნიმუში.
0 - комментарии к теме "სწავლის დაწყების საზეიმო პარაკლისი სიონის საკათედრო ტაძარში"